जिख्लाबसे लाइजाम: 'रैसुमै'नो 476-517

R Ronjoy Brahma Ronjoy Brahma
0 Altın Yaprak
476 सिमां नागिराखै नोँनि आंनि उदांङै गेलेनाय बोथोरनि, मेगन मोदैयाव सानबायनाय गोरबोनि रैसुमै गोरोबनाय जुलिसेनि। 477 जा नुबाय नोँनि समायनाय आरोबाव सानलिया एसेबां, रिफिनाय मोदान्नाय मोखांआव बावनो हालिया मिनिनाय लाजिनाय। 478 मिथिगौ नोँ आरो आं गोबानाय लुबैनाय जिउआव - नोँदि सानाखै सानसेबा, जिउनि रुगुंआव नोँ आरो आं। 479 आज्लंना थाबायनाय लामायाव नोँखौ नायहरो फांथेनाय खुवायाव, आरोबाव सानबायो नै फुंआव- जावबायनाय मिजिँनि दिङा। 480 नोँ आंनि गोसोखौल' बोआखै गासैबो लाबाय बोजबना, साजायनाय मोदोमफ्रु सोलेरखौ - बोबाय दिनै लामायाव; रैसुमै मुहिगोनां नोँनि मिनिस्लुनाय। 481 सायख्लुम गोरबोआव नोँनि महरा गोजोमो मेगनाव मोखां गोग्लैब्ला, हास्थायो नोँनि सना समायनाय बिलिरना लायो बारा खुसियाव। 482 नोँ आंनि हास्थायनायनि लामायाव फैगोन नङा साजायनायाव? जेरावबो थाबथाया हाद्रि लामायाव; गुसु दैमा गोजोन्नायाव। 483 गेवथाराब्ला गेबेँ बुंनांगौ रावआ बुंगोन सानसे फैसालियाव- जेब्ला नोँनि आंजोँ गोजान जायो रैसुमै मोजां मोनो नोँखौ; गाबनानै मोदै मेगन अराय फेलेँआव। 484 जाय आं गावनि सानो नोँखौ जिउनि अरायनि- हालिया नागारनो फेलेँ सान्नायाव, रैसुमै बेनोल' नोँ आंनि। 485 हाथों सुबुंनो फोरमायलांनो आंदि नोँखौ हास्थायो- फेलेँआ फैब्लाबो नोँनि नेवसिनायाव थागोन लाइजाम मोजां मोन्नानै; गोरबो सैथो गेबेँ रावआ। 486 जायखौ हायाखै बुंबायनो नायबाय गल' लाजिनायाव मिनिस्लु, बेसेदि आरो हाबिला मोन्नो थाबाय गासैबो गोरबोनि लाइजामावनो। 487 नोँनि मुंनि मुस्रियाव आखिनाय आंनि हांखोआ, थासिगोन सना इयुन जोलैनो- फाग्लाबादि जानाय आन्दोआव गासैबो; नोँ खोनागोनल' सना फेलेँनि देँखोआ सान-हर, सान-हर रिँबायनाय। 488 गासैबो गोरोन्थिब्ला हास्थायनाया मैला गैया बे हास्थायनायाव, गासैबो नंखाय साजायनायब्ला - अब्लाबो लोरबां नङा गावनि लुबैनाया। 489 आंनि सान्नाया मोकथां फैयाब्लाबो नोँनि मुं जेब्लाबो गोरबोआव, सोरजोँ गोरोबगोन नोँनि दिङायाव? थागोन आंनि बिखाव- - सावगारि नोँनि आं साजायनाय। 490 मा गोसो लाना जोनोम आंनि? नोँजोँ गोरोबगोन दाबि- रैसुमै आन्दो आन्दो आंनो, नोँनि सेराव बार, जोमै साया माया जेबो अराय। 491 गासैबो खौरां नोँनि बुथुमनानै गावखौनो आं गोजोनो, आरोबाव समायना नोँनि गारां, - साजाय साजाय खनबायनाय मेथाइ मिजिँनि लामायाव बुथुमो। 492 जाय नोँनि रंजानाय मेगनाव सुग्लाय होयो हाथासि मोखांआव, रैसुमै हास्थायो हास्थायो नोँनि- मिनिबाला जेब्लाबो रायदावनाय। 493 थैनाय थांनाय मिथिँगानि सिंआव सावगारि बियो मेगननि- रैसुमै थैयो गोसो हास्थायना - नोँ आं गावनि सान्ना। 494 आंनि गोसोनि मेगनाव नोँल' फैयो नुहां नुहां- साया माया साया माया मुस्रिया, फोजायो आंनि सिरिहाब बिखाखौ। 495 नोँहा लाजिनाय गैयादि आरो नुआ माब्लाबा आंनि लामायाव, लाजिस्लु नोँनि रायदावनाय- हां बिखायाव हास्थायनाय बिनि। 496 गोसोजोँ नागिरनाया, नोँखौ सानफ्रामबो आंनि सानफ्रामबो, नुआ सिमांनि रुगुं फैसालि। 497 बहा गोमायो आंनि फोरमायनाया मोखांसे लोगोआव मोनब्ला; सानो गोसोआव बुंनो हालिया- रैसुमै नोँ आंनि।नोँ आंनि। 498 नोँ आंनो हरब्ला रादाबखौ मोजां मोन्नाय फोरमायनाय नङा, सोँनाय आंनि गाजानि- नोँबो आंनि अराय लोगोबादि। 499 आरोबाव आं हालिया फोरमायनो बेखौसो सान्दोँ दिनै, आरोबाव उल्टा साजायनाय- समादि दङ जौमोन बैसोनि। 500 जिउ बिखा नोँनाव गोग्लैयो गोसोनि लामायाव नोँखौ बोयो- रैसुमै फै फै बिखायाव, बावनोदि हाया नोँखौ आंनि। 501 बिरबायनाय फेलेँनि सान्नायखौ बुरखाय बुरखाय फोजोमो गावनो, जिउआव गाबज्रियो नोँखौ- नोँल' आंनि अराय लोगोरि। 502 गावदां अखाफोर मिनिबाला मोखांआव सायख्लुम महरा नोँनि, आय' आंनि बिखा सान्नायजोँ, - रैसुमै नोँनो जाबाय गावनि। 503 आरोबाव बावगारथारलिया नोँखौ फोरोँबाय मिथिँगाया गावनो- मोजां मोन्नो अराय समाव नै रैसुमै जिउ आंनि नोँनि। 504 मिनिस्लु नोँनि लाखिनाय सावगारिया दं मिनिस्लु अराय मिनिनानै- गोजोन्नाय मोनो नोँनि महराव, थुलुंगा गावनो फिसिनाय मिजिँनि। 505 आंनि मोजां मोन्नाया थायो जेब्ला नोङो गोमालाङा, नाथाय नोँनि जुलियाबोदि-? 506 जेब्ला नोँ गोरोब फैगोन बुंगोन गावनि बे सानाव, आरोबाव गोलाव सुजुनाय। 507 बहा गोमालाङो समायनाया - मिथिँगानि गोदान महरा, गुस्लायो लाइमोन बैसोआदि- हाबाब नंलिया नामा लैथोआदि- साजाय गाव मिजिँनि अन्दरा। 508 हांमा थानाय नंलिया गावनि गोरोबनाय जाब्लादि सानैनि, नै रैसुमै बेखौबो नोँ खोनाया? नोँ आंनि।नोँ आंनि। 509 हास्थायना आबुं जिउआ जाबायगोन गावनि असे महरा- रोदा जाबाय गोथौ मिजिँआ; बेनो जाथोँ साजायनाय आंनि। 510 खारबाय थानाय लाइमोन बैसोआ थाद'आ मेँङा जिउ समा, गोजान लामायाव हार्सिँ बावा लोगो लोगो दं नोँनो। 511 लागोन बोजबना गावनि सानबायदोँ बेखौ आंनो सानसे, रैसुमै नोँखौ गावनि लोगोरि। 512 थागोन मेँग्लिना हास्थायनानै गुबुन लामा गैया अब्लाबो, नोँखौल' सानो लाइमोन गोसोआ- रैसुमै फेलेँआ फैया साजायनाय गावनि। 513 समा माब्ला जागोन आंनि-? फोरमायनाय गावनि गासैबो लैथोनि, मिथिगौ रैसुमै आंनि गोरबोआ नोँनि आंनि गेजेरावदि...। 514 आंहा जेबो बोदोर जाबाय गावनि सान्नाय नोँनो- फोरमायगोन फोरमायगोन बिखानि रोहो रोहो जोँनाय लामानि। 515 गावनि रोजाबनाय मेथाइयाव खबाम साजायनाय नोँ आंनि- आरोबाव मिलौनाय नोँ आंनि; मोदै गाबनाय नोँनि थाखाय। 516 फोरमायनाय गावनि गथायना बिखायाव होगोन लुफावना, आजावगोन दाबि गोरबोआ? गासैबो हास्थायनाय आंनि, गोसो नोँनि। 517 आग्लायना थायो गोसोनि बुंजासे मोजां मोन्नाया, आजावनाय जायाखै माब्लाबादि- रैसुमै खम नङा आंनि।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.