नों ना एलेंगाबादि दावबायथा
R
Ronjoy Brahma
0
Altın Yaprak
नों जेबोला ना एलेंगा
नोंखौ आं बोरसियाव आदार होनानै दैनिफ्राइ बोनखाङा;
खालि नों आंजों दैसायाव लोहाबनाय समावल'
मेगन सेराव नुजाफै।
नङाबा आं जेबोला गाथोननि
सि बुग्रा अन्थाइआव जनानै खोला फारसे
रिउ रिउ हालो-दैलो दैसा बोहैनायखौ नायहरो
होनबा नों नुजाफै; बेवहायनो आं जोबोद गोजोनगोन।
दैसायावदि बोथोर हमनानै मेथखा बिबारा
बेसे समायहोयो- - आंसो मिथिगौ;
मिथिगौ अख्रांआव गां फुवारग्रा दाउसिना।
आं नोंखौ मोजां मोनो
नोंखौ जुनिया उदां होननानै
उदांनि सिबियारि होनबा
आं गावखौनो गनायना लायो
बिबारनि लामा मोनगानना गोग्गानाय मोननायबादि एसेल' नंथ्रा।
नों ना एलेंगाबादि दावबायथा
आं हास्थायो;
नाथाय बुंनाय जायोदि-
आंनि गाथोनखौ माब्लाबाबो गुबुंले दाखालाम दे रजे!
जाय गाथोनाव आं लोहाबो
बेसेदि गोजोन बेवहाय,
बेसेदि गोथार बेयो-आंसो मिथिगौ
Bu şiiri puanla
Henüz puan verilmemiş