Nazm!

Be rehem hawaon mein Ajnabi manaazir mein Iss dil-e-musaafir ko Koi gham nhi kyun keh Mushkilon mein bhi apna Raabta to Rab se he Aur jaanay kub se he Maadiyyat ki duniya mein Khwahishon keh jungle mein Kis sukoon se mera Be qaraar dil thehra Be panaah adab se he Aur jaanay kub se he Dil sada ka baaghi he Sirf khud se raazi he Be fikar jahan se he Per he ussko darr jitna Bus Tere ghazab se he Aur jaanay kub se he Mujhko aankh khulne se Kuchh nazar nhi aata Meri bund aankhon mein Aaj jalwa gar ho ja Mein ne tujh ko socha hi Ik ajeeb dhubb se he Aur jaanay kub se he Sub se hi shanasaai Aur khud mein tunhaai Kiya ajab paheli he Zindagi ka rishta bhi Ustawaar sub se he Aur jaanay kub se he Muntazir wahan tu he Muntazir yahan mein hun Ab hijaab pulta de Mein ne Tere baaray mein Sunn rakha to sub se he Aur jaanay kub se he Jab kbhi bhi jaana he Uss ki simt jaana he Rooh or Khuda k beech Abdiyyat ka yeh rishta Bus issi sabab se he Aur jaanay kub se he Dil jab Uss se lagta he Phir sukoon milta he Kaatna nigaahon mein Raat ka kahan mushkil Dosti to apni bus Iss charaagh e shab se he Aur janay kub se he Noor ki Tajalli ho Dil ko ik tasalli ho Mujh pe bus karam itna Kuchh zarur ho jaey Rooh k andheron mein Koh e toor ho jaey Munfarid Batool apni Bus issi talab se he Aur jaanay kub se he!