İy Husrev-i Memâlik İy Server-i Yig-âne

İy husrev-i memâlik iy server-i yig-âne Kim saña misl ü hem-tâ getürmedi zemâne Sensin emîr-i mutlak hem dâver-i muhakkak Virdibi lutf idüp Hak sini bugün cihâne Hak fazlı irüp zuhûra sini aña irüre Kim emrüñi yitüre her mülk ü her mekâne Hûn-rîz kılıcuñdan kaçar olursa düşmen Kılıc irüp muayyen anuñ kanına kane İy vâkıf-ı hakâyık fazl itdi saña Hâlik Kim kıble-i halâyık oldı bu âsitâne Añmaz adû ki anı ahdâs-ı âsümânî İder be-nâ-gehânî kahr ohına nişâne İy şâh elün sehâda her-dem olup ziyâde Tane urur atâda ebr-ile bahr u kâne Sinüñ senâñı eydür sinüñ duâñı ider Her nesnede ki cân var tâ mürg-i âşiyâne Hem kıdve-i ümemsin hem menba-ı keremsin Cam-ı mey iç ki Cemsin tahta otur şeh-âne İtdüñ adûyı izâc başuña koyalı tâc Şehler kamusı muhtâc oldı bu hânedâne Süñüñ ki oldı erkam ider hasûduñı kem Katuñda rezm-i Rüstem olup-durur fisâne Sender-durur saadet hem sendedür siyâdet Vâcib-durur itâat sen şâh-ı kâmu-râne Envârı devletüñüñ âsârı nimetüñüñ Ahbârı râfetüñüñ irişdi her kerâne Lutfuñla her müsülmân derdine buldı dermân Sensin bugün Süleymân fermân it ins ü câne Yakdı beni bu gurbet i menba-ı mürüvvet Vaktı-durur ki icâzet irüp bulam revâne Nazm-ıla nesr-i zîbâ pîşem-durur hem inşâ Aduñ i şah-ı vâlâ irürem âsümâne Şöyle ola nazm-ı Çimşîd ki anı işitse hûrşîd Şöyle ki mâh u nâhid nakş ide levh-i câne Çün Ahmedî duâña başlaya ya senâña Nakdin nücûmuñ aña ide felek revâne Gûş ol işit maânî terkîb ü hem beyânı Beñzetmegil sen anı festân u yâ fülâne Niçe ki bite sünbül niçe ki açıla gül Niçe ki gele bülbül bâgıla bû-sitâne Îşuñ güli açılsun emrüñ nefâz bulsun Ömrüñ bahârı olsun ser-sebz câviœâne Mülküñ kazâsı bî-had bahtuñ bekâsı sermed Olsun i şâh-ı evhad iy server-i yig-âne