ବିରହ ର ବର୍ଣମାଳା: 02- ଧୂମାଭ ଦିଗନ୍ତ
S
Subhas Chandra Chakra
0
Altın Yaprak
ତମେ ଏବେ
ଧୂଆଁଳିଆ ଅସ୍ପଷ୍ଟତା
ଅତୀତ ଓ ଦୂର ଚକ୍ରବାଳ ପରି,
କୋହ ମୋହ ଶୂନ୍ୟତା ରେ
ଅବଶୋଷ, ମିଳନ ତୃଷ୍ଣା ରେ
ଅହରହ ଛଟପଟ,
ଆଖି ଦୁଇ-
ଅବିଭକ୍ତ
ଇଚ୍ଛା ରେ ବିଭୋର
ବେଦନାକ୍ତ, ଲୁହ ଟଳମଳ
ଦୁଇ ଫାଳଯନ୍ତ୍ରଣାକ୍ତ
ଅପରିପୂର୍ଣତା,
ଅଧା ଗଢା ସ୍ୱପ୍ନ ର ଶରୀର
ଯୋଡି ହୁଏ ।
ମୁଁ ତୁମକୁ
ନ ଖୋଜିବି ଏତେ ପାଶେ ପାଏ,
ବିରହ ର ଫର୍ଦ ଫର୍ଦ ମେଘ
ପ୍ରଣୟ ର ବର୍ଷା ହୋଇ
ଝରି ଝରି ଯାଏ।।
ଦୂର ସେଇ
ଧୂମାଭ ଦିଗନ୍ତେ
ନିରାଶା ର ବାଦଲ ଭିତରୁ
ଝରିପଡେ ସୂରୁଯ କିରଣ
ନାଲି ଟୁକୁ ଟୁକୁ
ସାଧବ ବହୁ ରଙ୍ଗ ର
ଛିଟ ଶାଢୀ କାନି ରେ କାନି ରେ ।।
Bu şiiri puanla
Henüz puan verilmemiş