Crepuscoli

Li calabrun d’eila soun mai siave: lou vèspre Se chalo de mouri davans tu; la calamo A davala di colo e caresso li prado; L’ouro lènto amudido à l’ourizoun pantaio; Un mauve apasimen emplis lou cèu; lis aubre Fan redire à si fueio un plagnun de fatorgo... Li calabrun d’ella soun mai siave... Lou tremount se blesis coume uno roso inmènso; Semblo qu ’uno man fado escampiho alor, subre L’angòni dóu jour las is orto vesperalo, Lou dou d’un amanèu de vióuleto; ti labro An tasta la sabour de regret, sourgissènto Dóu vòu malancouniéu di remèmbre, qu’en l’auro Smblo qu’uno man fado escampiho.