Qadir Allahım
T Tağıyev Elçin
0
Altın Yaprak
Diz çöküb qarşında yalvarıram mən
Bağışla xətamı qadir Allahım
Bir sənin lütfünə sığınmışam mən
Qəbul et tövbəmi qadir Allahım.
Yazığam qapından qovma sən məni
Çətin sınaqlara çəkmə sən məni
Günahkar qullara qatma sən məni
Rəhmətin bəsimdir qadir Allahım.
Bir sənə sığındım -sənə sənə güvəndim
Qəlbimin üzüylə sənə yönəldim
Qarşında baş əyib səcdələr etdim
Qəlbimi nurlandır qadir Allahım.
Bu xəstə halımı özün bilirsən
Hər kəsi eşidib gözəl görürsən
Səni sevənləri səndə sevirsən
Dərdimə şəfa ver qadir Allahım.
Təqva libasında yaşat ömrümü
İlham et sən mənə haqlı sözünü
Bağışla ruhuma səbri-dözümü
Mən səndən razıyam qadir Allahım.
Bu şiiri puanla
Henüz puan verilmemiş