Il libro dell'amore - XIX
T Théodore Aubanel
0
Altın Yaprak
. . . . . . . . . . . . .
Veici l’estiéu, li niue soun claro;
A Castèu-nòu lou vèspre èi bèu,
E dins li bos, la luno encaro
Mounto, la niue, sus Camp-Cabèu.
T’ensouvèn? dins li clapeirolo,
Emé ta fàci d’espagnolo,
De quand courriés coume uno folo,
De quand courrian coume de fòu,
Au plus sourne, e pièi qu’avian pòu?
E pèr ta taio mistoulino,
Ieu t’agantave, e qu’èro dous!
Au canta de la sóuvagino,
Dansavian alor tóuti dous:
Grihet, roussignòu e reineto
Disien tóuti si cansouneto;
Tu i’ apoundiés ta voues clareto.
O bello amigo, aro ounte soun
Tant de brande e tant de cansoun?
Metnin kaynağı: Kamu malı arşiv
Bu şiiri puanla
Henüz puan verilmemiş