L'ulivo

Dins la pas de l’azur ta ramiho s’estalo Coume un ventau lóugié, verdo en touto sesoun; Lis aucèu trefouli l’emplisson de cansoun; Quand boufo lou vènt-larg ris ta broundo argentalo. E soun rire, mescla de tèndri fernisoun, Retrais au risoulet d’uno amourouso, palo S’un jouvènt en passant ié pico sus l’espalo. Liuen de la mar toujour mores de languisoun. Car te fau li perfum salabrous de la duno, Lou regiscle dis erso au pitre bacela, Noste arderous soulèu, que fai la terrò bruno, Tant l’ames, que, se vèn d’asard à se nebla, Toun fueiage au marin soutièu à tremoula, N’en gardo lou rebat dous coume un clar de luno. (Li Fiho d’Avignoun).