Malayalam 911 ഭാഷാന്തര കവിതകൾ (11) രോഗശമനം

ഞാൻ നടന്നടുക്കുമ്പോൾ മൃദുമന്ദഹാസ മോഹനങ്ങളാം നിൻ മിഴിയിണകളെൻ നേർക്കു തിരിക്കാൻ നീ ധൈര്യപ്പെട്ടല്ലോ. ആ കുഞ്ഞു കിടക്കയിലങ്ങിനെ നിവർന്നിരിക്കുമ്പോൾ നീ- യെത്ര മനോഹരിയായിരിക്കുന്നു! സ്വപ്നിലം നമ്മൾതൻ വിവാഹനൃത്തം ജ്വരിതമാം നിൻ തലക്കുള്ളിൽ ഭാവനയിൽ സ്വദിച്ചുകൊണ്ട് മൃദുവായ് നീ മന്ത്രിക്കുന്നു നിന്റെ വിവാഹവസ്ത്രം നിന- ക്കെത്ര നന്നായി ചേരുന്നെന്ന്. (2) പൂ നിറഞ്ഞ, കുട്ടിത്തം വിടരുന്ന മറ്റൊരു മുറിയിൽ നാമൊന്നായൊരുക്കിയ ആ പ്രേമമധുരസംഗീതം നീയിപ്പോഴും കേൾക്കുന്നില്ലേ? ഉജ്ജ്വലം നിൻ തിളക്കത്തിലും നിൻ മദഭരസുഗന്ധത്തിലും മുങ്ങിപ്പോം നിഴലുകളാം ഓർമ്മകൾ- തൻ മധുരുചിയിൽ നീ, യെൻ ഹൃത്തിൻ രക്ഷക മയങ്ങി. ക്ഷീണിച്ചുപോയ നഴ്സുമാരും നഴ്സിങ് സഹായികളും തന്റെ വധുവിനെ ആരോഗ്യ- സമ്പന്നയായി കാണാൻ കൊതിക്കും നക്ഷത്രമിഴികളുള്ള പ്രതിശ്രുതവരനെ ഒളിഞ്ഞുനോക്കി. മൃത്യുവിൻ ഗ്രസനത്തെ ഭയക്കാതെ ബാഷ്പച്ഛിന്നമാം മുഖാവരണം വലിച്ചുമാറ്റി, പലവട്ടമെന്നെ- പ്പുണർന്നൊരമൂല്യമാമജ്ജീവന്റെ ശോണാധരദ്വയങ്ങളിൽ പ്രണയമുദ്രയർപ്പിച്ചു ഞാൻ. (3) നിന്നോടെനിക്കുള്ള പ്രണയമെനിക്കു മരണകാരണമെന്നാലങ്ങനെ, ദീർഘമാം ഒരു രോഗഹേതുവെന്നാലങ്ങനെ, തമ്മിൽ നാം പങ്കുവെച്ച പ്രണയത്തിൽ നി- ന്നെനിക്കാശയില്ലൊരു മോചനം. ഇളം ചൂടു പകരും നിൻകരങ്ങളും പുഞ്ചിരിയാൽ പ്രിയമേറും മിഴികളും വിട്ടുപോകാനാവില്ലെനിക്കിപ്പോൾ. പ്രണയത്തിൻ മധുരമെല്ലാം പങ്കുവെ- ച്ചെന്നുമെൻ കൂടവേ താനിരിക്കണം നീ.