Sara Teasdale 03 - തനിയെ

(Malayalam Translation of Poem 'Alone' by Sara Teasdale) തനിയെ തനിച്ചാണു ഞാൻ, പ്രണയാതുരയെങ്കിലും, ഞാൻ കൊണ്ടതും കൊടുത്തതുമെല്ലാമിരിക്കിലും. എന്നോടു നിനക്കുള്ളീയാർദ്രതയെങ്കിലും, ചില നേരങ്ങളിൽ ജീവിക്കാനെനിക്കില്ല തെല്ലുമാഹ്ളാദം. തനിച്ചാണു ഞാൻ, ഈ നരച്ചു തളർന്നോരുലകിൻ ഉത്തുംഗതമമാം ശിഖരത്തിലെത്തി നില്ക്കുംപോൽ. ചുഴലും ഹിമമാണെനിക്കു ചുറ്റിനും മുകളിൽ അനന്തമായ് വിടരും ശൂന്യാകാശം. മറഞ്ഞുപോയ് ഭൂമി, മാഞ്ഞൂ സ്വർഗ്ഗവും, മൃതരായതിനാൽ തനിച്ചല്ലാതായ്ത്തീർന്നവർ തൻ ശാന്തിയിൽ നിന്നെന്നെക്കാത്തീടുവാൻ എനിക്കെന്നാത്മാഭിമാനം മാത്രം.