Sara Teasdale 02 - വരും, മൃദുലമാമൊരു വർഷം

2. വരും, മൃദുലമാമൊരു വർഷം (Translation of the poem ' There Will Come Soft Rain') മൃദുവായൊരു മഴ ചാറി വരും, പുതുമണ്ണിൻ സുഗന്ധവും മിന്നും കുരലോടെ വട്ടം ചുറ്റി - പ്പാറും ചന്തക്കുരുവികളും; രാവിൽ കുളത്തിൽ പാടും തവളകളും വിറപൂണ്ട ധവളിമയിൽ മുങ്ങി കാട്ടു പ്ളം മരങ്ങളും; അഗ്നിച്ചിറകുകളോടെ കുരുവികൾ കുഞ്ഞുവേലിക്കമ്പിയിലിരുന്ന് തങ്ങളുടെ ഭ്രമങ്ങൾക്ക് ഈണമിടും; ഇവരാരു, മെന്നാൽ ഈ മഹാ- യുദ്ധത്തെക്കുറിച്ചറിയുന്നേയില്ല; അതു തീർന്നോ എന്നവർ ശ്രദ്ധിക്കുന്നുമില്ല; കിളികൾക്കോ മരങ്ങൾക്കോ, ആർക്കും, മനുഷ്യവംശം തന്നെ മുടിഞ്ഞുപോയാലും ഒന്നുമില്ല; നാമെല്ലാം തുലഞ്ഞുപോയിരുന്നാലും രാ പുലരുമ്പോൾ ഉണർന്നെണീക്കുന്ന വസന്തം സ്വയം അതറിയുകയേയില്ല.