Çü Gezler Ohunı Ol Fitne Gözler
A
Ahmedi
0
Altın Yaprak
Çü gezler ohunı ol fitne gözler
Biaynih bilürem kim cânı gözler
İder ol serv kaddüñüñ hayâli
Revân her kirpügümden bunca gözler
Yanarsam ne aceb zîrâ ki saldı
Yüregüme firâkuñ odı közler
Hezârân cân alup her bir bahışda
Kanamazlar dahı kanı bu gözler
Yüzüñe göz ki yavuz baha çıhsun
Yavuz başlar yüreginde vü gözler
Yavuzlar bini agyâr u degül key
İşitmek yâr anı ki eyde yavuzlar
Çü söyler Ahmedî lalüñ sıfâtın
Olur Âb-ı hayât agzında sözler
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş