Hamd Saña Yaraşur İy Pâdişâh-ı Bî-zevâl

A Ahmedi Ahmedi
0 Altın Yaprak
Hamd saña yaraşur iy pâdişâh-ı bî-zevâl Kim Kadîm-i Lem-Yezelsin ü Kerîm-i Lâ-Yezâl İzzetüñ fikrinde kalmış cakl gonca bîgi teng Kudretüñ vasfında olmış rûh lâle bigi lâl Yir-ile gök toludur senden velî bî-ittisâl Kamu câlemden berîsin sen velî bî-infisâl Âdemüñ nakşını yazduñ bî-devât u bî-kalem Âlemüñ vasfını düzdüñ bî-edât u bî-misâl Yir ü gögü düzüp itdüñ nûr-ıla zulmet cayân Dün ü güni nazm idüp râst kılduñ mâh u sâl Encüm ü ay u gün-ile göklere virdüñ safâ Yire hayvân u nebât-ıla bagışladuñ cemâl Hârdan hurmâ bitürdüñ hâreden yâkut u lacl Katradan güher yaratduñ sahradan âb-ı zülâl Güneş emrüñle senüñ geh zâhir olur geh nihân Ay hükmüñde senüñ geh bedr olur geh hilâl Ne halel bulınur işünde ne hükmüñde hatâ Ne bekâña var fenâ vü ne kemâlüñe zevâl Evvel ü âhir çü sensin zâhir ü bâtın dahı Pes arada gayr var dimek tasavvurdur muhâl Çünki yoh zâtuñda sinüñ vasl u beyn ü keyf ü kem Pes hayâl ola seni fehm eylemek vehm ü hayâl Emrüñ-ile her taraf kılur güzer bâd-ı cenûb Hükmüñ-ile her nefes olur revân peyk-i şemâl Saña lâyıkdur cibâdet kim senüñ-durur yakîn Halk u emr ü lutf u kahr u kudret ü cizz ü celâl Akl u nefs olmış senüñ fermânuñ altında mutî İns ü cinni itmis misâlüñ mûcibince imtisâl Gökde yirde zerre zerre kâfdan kâfa degin Birligüñe kamu şâhid-dur u varlıguña dâl Nice vasfuñda olmasun hayrân nüfûs-ıla ukûl Ki_ol hevâda akl-ı kül olup-durur bî-perr ü bâl Lutfuñuñ bahrından olur kullaruñ göñline feyz Kabz u bast u sahv u şükr ü fikr ü zikr ü vecd ü hâl Kamu bilür sini lîkin kamu senden bî-haber Anuñ-ıçun şerh idemez vasfuñı nutk u makâl Âkıl u mackûlu akl u âşık u macşûk u ışk Cümle sensin pes n’ireden geldi bunca kîl ü kâl Sensin İbrâhîm’e viren azm ü İsmâil’e sabr Hem viren Yakûb’a hüzn ü Yûsuf’a hüsn ü cemâl Sanat-ı ihyâyı sensin İsî’ye talîm iden Mûsî’ye sensin kılan Firavn mülkin pâ-yi-mâl Ahmed-i Muhtâr’a sensin kuvvet ü nusret viren Din ü şer asl u fer ü dürlü dürlü hoş-hısâl Cümle sinüñdür hüviyyet dahı nesne var diyen Senden artuh sözleri bâtıldur anuñla muhâl Çün didüñ “nahnü kasemnâ” ayn-ı hikmet oldı bes Bunı dervîş idüben virdügüñ aña mülk ü mâl Kısmet itdüñ her kişiye anı kim lâyık-durur Ger geye Amr atlas u Zeyd’üñ ola geydügi şâl Halk u emr ü mülk sinündür kamu pes kimseye İşüñe çün ü çirâ dimeklige yohdur mecâl Ahmedi’nüñ iy Kerîm itgil güñahın cümle avf Kim sen Ehl-i Magfiret’sin bî-şek ü Ehl-i Nevâl Sen ol ol üftâdeye iki cihânda dest-i gîr Çünki sensin kamu halka iy Hak âmâl ü me’âl Her günahı ki itdi çünkim sen kaderledüñ aña Sehl dut pes anı ol gün ki idesin andan süvâl Ne saña taatdan assı var ne isyândan ziyân Kim kamu ehl-i hidâyet ola ya-hoœ cümle dâl Zafumı görüp baña sen merhamet it iy Rahîm Kim azâbuña idemez seng ü âhen ihtimâl Benligüñ bendinden âzâd eylegil sen bini kim Bu taalluk perdesi yolunda olmışdur vebâl

Kamu malı: şairin ölümünün üzerinden 70 yıldan fazla geçti.

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.