Her Kanda Ki Sen Olasın İy Ehl-i Saadet
A
Ahmedi
0
Altın Yaprak
Her kanda ki sen olasın iy ehl-i saadet
Lutfuñ ide tenlere giden canı iâdet
Ger yara ura gamzeñ ohı câna ne gussa
Kim yâr ohı yâre olur sehm-i saâdet
Lâ-misl didi dudaguña kaddüñe göñlüm
Cân didi zi-şîrîn haber ü togru şehâdet
Ne behre virilmiş saña kim kahruña cânum
Gördükce kılur mihrüñi gönülde ziyâdet
Kişi ki mürîd eyleye kendüzini yâre
Mürted ola tagyîr idicek soñra irâdet
Ne ayn-i belâdur bu kamer devrine gözüñ
Kim eyledi hûnîlıgı kendüzine âdet
Işkuña yanar ûd bigi Ahmedî her dem
Bu hoş-nefesi pes aña kim itdi ifâdet
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş