Senün Hüsnüne Yoh-durur Nihâyet
A
Ahmedi
0
Altın Yaprak
Senüñ hüsnüñe yoh-durur nihâyet
Nite kim yoh benüm derdüme gâyet
Yüzüñ evsâfı bilinmez kemâhî
Meger nûr âyeti-durur bu âyet
Gözüñe sayd olana ne dil ü dîn
Saçuña kayd olana ne hidâyet
Nedür zühre ki ay u güneşe nûr
Yüzüñ aksinden itmişdür sirâyet
Saçuñ akl-ıla dîne n’itdi dirsem
Olur söz müşkil uzanur hikâyet
Yüzüñde görinür gün bigi rûşen
Ki Sâni sunına yohdur nihâyet
Hadîsi Ahmedî’nüñ kût-ı dildür
Lebüñ vasfın ideli ol rivâyet
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş