Teşne-cigerüm Işkun Odı-y-la Tolu Kandur
A
0
Altın Yaprak
Teşne-cigerüm ışkuñ odı-y-la tolu kandur
Ol çeşme-i hayvân dudaguñdan anı kandur
Dur diyü dögerken yoluña başunı gören
Didi ki hayâl-ıla sanursın ki ola kandur
Dirseñ göreyim ölüyi ne resme dirilür
Ben teşneye di kim dudaguñdan suya kandur
Uyhu-y-ıla gözüm bir araya olamaz cem
Zîrâ ki arada hûn-ı siyâvuş bigi kandur
Lâle bigi yahıldı cigeri ışkuñ odına
Yaprah bigi yüregüm anuñ-çun hafakândur
İtdi gözüñüñ işveleri nergis-i bî-hwâb
Rengine nazar it ki nişânı yerekândur
Defter açıcah Ahmedî yaşın gören eydür
Mahv eylemesün defteri ucdan uca kandur
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş