Leb-i Andânuñ İle Kılduñ Yâd
B
Bakî
0
Altın Yaprak
Leb-i handânuñ ile kılduñ yâd
Eyledüñ mürdelerüñ rûhını şâd
Beni yâd eyledüñ ihyâ itdüñ
Öldiler gitdiler ammâ hussâd
Tîg-i hecrüñle ber-â-ber kıldı
Nâvek-i gamzelerüñ zahmı ziyâd
Yüri ey serv-i ser-efrâz yüri
Kad-i bâlâña irişmez şimşâd
Kâmetüñ kullugına düşmeyicek
Olmadı serv-i hırâmân âzâd
Bâkîye emr nedür sultânum
Saña kul oldı mutî’ ü münkâd
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş