A Prayer In Scots

A prayer fur lions tint in the hunter's maze A prayer fur honest spring, may it cam wioot floods an mayhem A prayer fur sucklin littlins, may their milk be toxin free A prayer fur midnicht, may it cam withoot widdendremes A prayer fur trees, may their saplins grow heich an prood A prayer fur the spires o kirks an bells that ring in blytheness A prayer fur nests an dens, fur the setts o brocks A prayer fur the michty oceans, may their deeps be clean an sweet A prayer fur the hameless, cauld on the warld's streets A prayer fur seelence an mercy an frangipani A prayer fur fowk abune saxty, an wards fu o lavender A prayer fur fowk unner saxty, an free reengin elephants A prayer fur patients in ambulances may they arrive in time A prayer fur the wud, the dowie an the ovaries o the fruitless A prayer fur gravesteens staunin in the rain A prayer fur amputees, an the dwinin glaciers A prayer fur aa trapped things, an the sheen o sunflooers