ଠିକଣା(Thikana)

କେଜାଣି କେତେ ପଛରେ ଛାଡି ଆସିଛି ଆପଣାର ଲୋକମାନଙ୍କୁ ହଜାଇ ଦେଇଛି ଜାଣି ଜାଣି ପ୍ରିୟ ଲୋକର ଠିକଣା ଅନ୍ତରର ଉଛୁଆସ (uchhwasa) ରେ ପ୍ରୀତିର ପୁଲକରେ ଆଖିର ଲୁହରେ ଲେଖି ଥିବା ଯେତେ ଯେତେ ଫର୍ଦ୍ଦ ଚିରି ଟିକ ଟିକ କରି ଦେଇଛି କେତେ ଗଭୀରରେ କବର ଦେଇଛି ସ୍ମୃତିମାନଙ୍କୁ ହେଲେ ବାସନ୍ତୀର ଚଇତାଳି ପବନରେ ଯେତେବେଳେ କୋଇଲିଟିଏ କୁହୁସ୍ଵନରେ ଅଥୟ କରିପକାଏ ଆମ୍ବ ବଉଳର ବାସ୍ନାରେ ଚହଟି ଯାଏ ଚୌଦିଗ କେମିତି ଏକ ମିଠା ଝଲକରେ ପୁରୁଣା କଥାମାନେ ଝଲସି ଉଠନ୍ତି ଦିଶି ଯାଏ ସେଇ ଘର, ସେଇ ଗଛ ଫୁଲ, ଫୁଲ ବଗିଚା ମନେ ପଡେ ପୁଣି ବର୍ଷା ତୁମ ପାଇଁ ଛତା ଟେକି ନିଜେ ବର୍ଷାରେ ଓଦା ହେଉଥିବା ଆଉ କେହିଜଣେ ଗଭୀର ବିଶ୍ୱାସ ଓ ଅତଳ ଆଶ୍ୱାସନାରେ ସେଇ ଛାଇଟି ଯେମିତି ତୁମ ଚାରି ପଟେ ସଦା ଆତଯାତ ହେଉ ଥାଏ!