Hêvî
A
Arjen Arî
0
Altın Yaprak
hêleke min diqutife ji sermê
çiya keleheke asê, rê asê,dem asê
hêviya min kulîlka binê berfê
ha bel bû ha bel bibê
û berf tê
tê
tê!
bibare berfê
li ber xwe bide kulîlkê,
tu ji vê axê yî, ez ji vê axê!
wê vebe rengo rengo
piştî taveke xwêjinkî keskesor
sihareke rûbihar e hêviya min
tîrêj-bişirîn rojeke gulî-sor
ha hilat ha hiltê
û berf tê
tê
tê!
bibare berfê
li ber xwe bide kulîlkê
berf li hêlekê, tu li hêlekê
hêviya min jî bihar e
Bu şiiri puanla
Henüz puan verilmemiş