Peyweste Du Ebrû
M
Melayê Cizîrî
0
Altın Yaprak
Peyweste du ebrû li me mehbûbê kişandin
sed gezme peyapey li ezê xeste reşandin
Tîrek ji kemanê xedebê da cegerê rîş
Mil dane ber û ser ji du goşan veweşandin
Cohtê esedan pence li ser sîne nihandin
Kullab-i gihandin dil û hestî herişandin
Birhên te ji qudret ko numan goşeyê i’caz
Peyweste kemanan li guhan goşe kişandin
Mihra te di canê xwe ji dil xef kiribû min
Dil çû ceger û sîne li ser canî ve şandin
Nûnên te hilalê bi qeran yek ji sura heq
Bê ’eyb-i li dêmê qelema xeybê kişandin
Neqqaşê ezel ismê cemalê ko nivîsî
herfên te mucessem ji surê taze reşandin
Reyhanî û dîwanî û hem suls û muselsel
Yek yek we hezar reng-i ji husnê neqqişandin
Ev ayeta nûrê ji Mela ra ko nivîsî
Katib ji surê nuqte bi zêrabê feşandin
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş