Serê Zulfa Te
M
Melayê Cizîrî
0
Altın Yaprak
Serê zulfa te bi kullabê du’a
Hate destê mi bi cellabê du’a
Sofîyê xelwenişîn bêne sucûd
Herdu birhên te ne mihrabê du’a
’Erdê kê dê bikirim sûretê hal
Ko tu yî qibleya erbabê du’a
Ji du’ayê qedehek derdest e
Her seher mestê meya nabê du’a
Gulê iqbalê ji gulzarê qebûl
Mi çinî bû di şekerxwabê du’a
Ber du birhên te ji ixlaş û yeqîn
Mi dibir secde bi adabê du’a
Ji dilek şafî tu mihrabê bibîn
Secdeyek lazim e der babê du’a
Mi di dil ’urwet-i wusqa ye bi dest
Ji senaya te ser elqabê du’a
Ji ezel yek cihetî daye Melê
Her me ixlaş e ji esbabê du’a
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş